mánudagur, 25. október 2021
 
TölublöðVenjuleg útgáfa

Börkur II verður Barði NK 120

12. október 2021 kl. 13:39

Börkur II hefur fengið nýtt nafn og einkennisstafi. Mynd/Smári Geirsson

Á heimasíðu Síldarvinnslunnar er skemmtileg frásögn af þeim sex skipum sem hafa borið nafnið Barði, til upprifjunar fyrir þá sem áhuga hafa á sögu.

Uppsjávarskip Síldarvinnslunnar, Börkur II, hefur fengið nafnið Barði og einkennisstafina NK 120.

Frá þessu segir á heimsíðu Síldarvinnslunnar en fyrsta skipið sem Síldarvinnslan eignaðist bar einmitt þetta nafn og þessa einkennisstafi. Alls hafa fimm skip í eigu Síldarvinnslunnar borið nafnið Barði þannig að nú bætist það sjötta í þann hóp.

Á heimasíðunni er skemmtileg frásögn um skipin sem þetta nafn hafa borið, til upprifjunar fyrir þá sem áhuga hafa á sögunni.

Einnig mátti lesa um þessa nafnabreytingu á heimasíðu sjómannsins og ljósmyndarans Þorgeirs Baldurssonar á Akureyri, en þar sem stærsta loðnuvertíð í langan tíma stendur fyrir dyrum er ljóst að útgerðir munu beita öllum þeim atvinnutækjum sem fyrirliggjandi eru, enda veitir ekki af veiðigetunni fyrir þau tæplega 700.000 tonn af loðnu sem íslenskum skipum er heimilt að veiða.