miðvikudagur, 21. apríl 2021
 
TölublöðVenjuleg útgáfa

Fínn túr og sluppu við páskahretið

7. apríl 2021 kl. 11:30

Landað var úr Gullver NS í gær. Mynd/Ómar Bogason

Gullver landaði 116 tonnum á Seyðisfirði.

Landað úr ísfisktogaranum Gullver NS á Seyðisfirði í gær. Skipið kom til hafnar aðfaranótt laugardags en vegna páskahátíðarinnar var beðið með löndunina.

Skipstjóri í veiðiferðinni var Þórhallur Jónsson og segir hann í spjalli á heimasíðu Síldarvinnslunnar að hún hafi gengið vel.

„Aflinn var um 116 tonn og fékkst hann á fjórum sólarhringum eða svo. Uppistaða aflans var þorskur. Við vorum að veiðum í Hvalbakshallinu í ágætis veðri og vorum komnir til hafnar fyrir páskahretið,“ segir Þórhallur.

Gullver hélt til veiða á ný í gærkvöldi.