þriðjudagur, 1. desember 2020
 
TölublöðVenjuleg útgáfa

Grásleppuvottun endurheimt

20. nóvember 2020 kl. 13:00

Skírteinið gildir í fimm ár, til 16. nóvember 2025.

Landssamband smábátaeigenda greinir frá því á vef sínum að MSC-vottun grásleppuveiða hafi verið endurheimt. Vottunarstofan Tún felldi grásleppuvottunina úr gildi í apríl 2019 vegna meðafla, en 

„Erfiðlega hefur gengið að selja grásleppuhrogn frá síðustu vertíð og ætti vottunin að liðka til í þeim efnum, þó ljóst sé að Covid 19 sé þar stærsti orsakavaldurinn,“ segir á vef LS.

„Vottunin er sérlega ánægjuleg fyrir alla þá sem komu að vinnu við að endurheimta hana þar sem staðan var ekki árennileg í upphafi.“

Vitnað er í Kristin Hjálmarsson, verkefnisstjóra hjá Icelandic Sustainable Fisheries (ISF), sem segir að aðkoma sjómanna um stjórn veiðanna hafi vegið þungt í þessum efnum.  

“Þeir lögðu til við stjórnvöld lokun svæða þar sem líkindi voru á að selur veiddist sem meðafli og nákvæm, áreiðanleg skráning alls afla sé mikilvæg fyrir eftirlit og vísindi. Niðurstaðan sem nú er fengin hefði ekki náðst nema með sterkri aðkomu og samvinnu allra aðila, stjórnvalda, LS, Hafrannsóknastofnunar og framleiðenda.”